Sheeko Jaceyl: Alla Muxuu sidaan iigu galaa miyuu bini aadam aheen (Qeybtii 9aad)

      Banaanka aye iigula baxday waxay bilaawday in ay igu qeeliso i canaanato, halkani waa goob waxbarasho, in aan wax barto ayaan u imid halkan, iga daa mashquulka iyo warqada aad ii soo qoreyso hadii kale waxaan u dacwoonaa maamulka sare ee schoolka, fadlan maku rabi maku jecli mana kuu baahna amaan isii, dad inta la arko qofka aan ugu necbahay dhibsigiisa ayaa tahay, aaad ayaan kuu dhibsaday, kuma farxo aragtidaada, in aan kaa naxo oo aan kaa qaracmo ayaan kaa marayaa, amaan isii walaal, waan ogahay schoolkaan in aad usoo gashay aniga dartaay, maskaxdaada kala fur caqligaaga ha shaqeeyo ayee igu tiri, hadalkaa markii ay i dhaheeso ilin ayaa iga socoto, wajigeyga waa mid murugo fuushay, laabtayda waxay noqotay mid dab ka holcaya, hadalada afkeeda ka soo baxaya waa mid dhaawacaya laabtayda, waan baryay aad baan utuugay, wax kasta aan sameeyo oo dadaal ah waan kasban waayay, hab xitaa waan siiyay ha iga tagin waan ku baryaa ayaan dhahay, ilinta iga socoto waa mid xitaa jilbaabkeeda qoysay,

waxay iga diiday in aan hadalada caadiga is dhaafsano, aniga ma naco, waxaan ka sii qaadaa arxan daradeeda jaceyl, way isii macaantaa qofta, waxaan noqday maqane jooge, waxaan aqristaa buukaagta jaceylka, waxaan raadiyaa buukyada ka hadla lamaanaha is qilaafay, waxaan dhegeestaa sheekooyinka jaceylka, waxaan badiyaa ducada iyo salaadaha, marmarka qaar waan qaldaa salaadaha waayo aniga oo salaada ku jiro ayaan ka fikiraa, mana ogi salaada inta mar aan dukaday, maskaxdeeda ma nasato,  waxaan noqday caato, qaliir, nafta markii jeceyl ku dhaco fikirna usii dheeryahay way catoobeesaa,  reerkayga cunto nafaqa leh wuu isiiyaa, laakiin raashiinaka dhan ma ii dhadhama, hurdada sidoo kale aad bay iigu yartahay, rafaad aan dhamaan ayaa noloshayda la soo darsay.

Xaafadii aan ka soo guuray ee Buula Xuubeey ayaan maalin booqasha ku tagay, waxaan booqday asxaabtaydii hore, way iga yaabeen waxa sidaan caato iiga dhigay, waxaan ka soo maqlay iyaga hadal aad u naxtin badan oo mudan in laga murugooda, waxayna ii sheegeen qofta aan jeclahay in ay xiriir laleedahay wiilkii aan is necbeen ee gabadha igu diray, waan naxay cagaha ayaa jareeyay hadaladii ayaan gafay, qaqaryo iyo dhaxan ayaa iqabatay, waali ayaan halis u noqday, waxaana la iisii raaciyay in ay galabta halkaan imaan doonto oo la balamiyay, waxaan bilaabay in aan matago, sababta aan umatagayo ma aqaano, saacadba saacada ka dambeesa jirka wuu isii ololayaa, noloshan ayaa iisoo urtay, six un waan u maseeray, dhidid ayaa iga socdo, madaxa xunuun qandho ayaa iqabatay aan garaneen meel ay iiga timid gabar ayaa ila yaabtay, waxay tiri waa maxay dhibka ku heesto ii sheek hadii aan awoodo waan kula xalinaa balan weeye, gabadhii ayaa arintii uga sheekeeyay, waxayna itiri waa balan arintaan dhankeyga waxba kama ahan, waa sahal, in aad mar hore ii sheekto aye aheed, sidaan dhibane uma noqon laheen, gabadhii ayaa tiri ilaa maqribka laga gaaro waxba ha sameen, iga war sug, hadii aad tilaabo qaato ama fal wax yeeleen ah hadaba ogow aniga gurmadka iyo gargaarka waan kaala harayaa, gabadhii ma ii sheegin waxa ay sameen doonto waan iska aaminay marba hadii ay i dhaheeso waan ku caawinaa, markii uu jaceyl ku haayo waxaad aad u jeceshahay dadka wanaaga kuu sameeyo, waxaad aad u necebtahay dadka caqabadaha ku ah jecelka.

Galabkii markii la gaaray waxaan indhaha ku dhuftay wiilkii aan is necbeen misana gabadha aan jeclahay xiriirka laleh aad ulabisan, udiyaar garowbay soo dhaweenta, mar ayaan damcay in aan dilo kow kasiiyo, ciilka aan u qabo, waxaan is waydiiyay makan sidaan u yaalo ayaa qof aad jecesahay kuugu hor wadan karo, markii maseer ku hayo wax kasta waxaad ka eegeesaa dhanka xumaanta ah, ma ku baraarugsane wax kasta in ay ku xirantahay rabitaanka gabadha, waxaan xausuustay balantii aan ka qaaday gabadha ma aan la dagaalin, wuxuu bilaabay dhago hadal, wuxuu iska dhigay in uu yahay aabaha shukaansiga, wuxuu iska dhigay mid hadii uu gabar damco gabadhaas gacanta ku soo dhigaya, aniga wuxuu iga dhigay mid aan waxba galin, cardeyda ayaan iska qarsaday, salaan been ah ayaan utaagay waxaan ku iri waan qirsanahay in aad tahay macalinka shukaansiga, awalba waan ogaa in aan kuugu gaareen dhanka shukaansiga, waxaana tahay wiilka xaafada ay ugu jecelyihiin gabadha, wuxuu yiri galabta i arag qoftii iigula dagaali jirtay ayaan ku tusinaa iyadoo cagaheeda ku socoto in ay halkaan timaado.

Xiligii balanta ayaa la gaaray, gabadhii aniga iga balan qaatay in ay garab qabaneeso, waxay ka hortagtay gabadhii, waxay tiri abaayo soo ma ihid gabar heblaayo, abaayo iska laaabo, waxaan aan halkaan usoo istaagay waxay aheed waa laguu tashtay wiilal badan ayaa raba galabta in ay ku kufsadaan oo lagu xoogo, waxayna wataan biskoolada, waxaan ka dambeeyo arinkaan wiilka ku balamiyay, marka waan kaa naxaa iska laabo, yaanan lagu ciyaarin gabarnimadaada, gabadhii aan jeclaa hadalada gabadha aye ka qaatay naxti iyo shook iyo fila waa, si dag dagsiimo leh aye uga carartay xaafada iyadoo dhuumaaleesi ah la mooda mid baxsad ah, labada gabar waxay kala qaateen teleefoon, waxayna ku balameen in ay is xariiriyaan.

Wiilkii balanta la lahaa gabadhii aan jeclaa galabkaas waa loo gooyay, gabadhii ayaa loo sheegay cabsi cabsi, waan is ag fadhinay galabtaas aniga iyo isaga, saacada uu xiran yahay ayuu fiiriyaa marba marka ka dambeeso, waqtigii uu la lahaa balanta waa la dhaafay, aniga oo meesha fadhiya ayaa waxaa soo martay gabadhii i caawineesay, way ii iljabis, iljibis oo baaq ah, waan ka dabaxay gabadhii, luuq xaafada ku yaalo ayaan isla wada istaagnay aniga iyo iyada……….. la soco qeebta 10aad inshaAllah Talaada kasta.

W/Q: Daalac Daahir Shoot